«Кәсіби бағдарлау» жобасының мақсаты — балалар үйлері мен мектеп-интернаттардың балаларына оларды әлеуметтік бейімдеуге көмектесу. Біз осы білім беру мекемелерінің балалары бітіргеннен кейін өмір сүруге, оқуды жалғастыруға және дамуға көмектесетін пайдалы практикалық дағдыларға ие болғанын қалаймыз, бірақ ең бастысы — өздеріне жұмыс табу.

6 жыл ішінде біз 12 курс ұйымдастырып, 19 арнайы шеберхана ашып, Қазақстан бойынша мектеп-интернаттар мен балалар үйлерінде педагогтар мен жобаға қатысушылар ретінде ондаған мейірімді және бейжай қалмайтын адамдарды тарттық. Біз 5 балаға шаштараз шеберлігін үйреттік, осы жасөспірімдердің бірі Алматыдағы барбер-салонда тәжірибеден өтіп жатыр, сондай-ақ 3 оқушыдан тұратын жаңа топ жиналды. 60 бала тігін шеберлігіне оқытылды. 80 — еуропалық асүй тағамдарын дайындау курстарында болды, ал бір жасөспірім Алматыдағы Qaganat қоғамдық тамақтану желісінде тәжірибеден өтуде.

Жобаны іске асыру бірнеше кезеңнен тұрады:

• Мектеп-интернат немесе балалар үйін іздестіреміз және олардың тәрбиеленушілерді кәсіби даярлау бағытындағы, жабдықтарға, тіпті қайта жөндеуге деген қажеттіліктерін білеміз.
• Демеушілерді табамыз (жабдықтар сатып алуға, кәсіптік бағдарлау курстарын төлеуге)
• Қажетті жабдықтарды сатып аламыз
• Біз аптасына 2-3 рет келіп, балаларды оқытатын мамандар — оқыту бойынша серіктестер табамыз не курстарды төлейміз
• Салтанатты түрде шығару және сертификаттармен марапаттау
• Балалардың өндірістік тәжірибесіне арналған орындарды қосамыз

Осы бағдарламаның 3 нұсқасын қолдай аласыз:

Бірінші нұсқа — шеберханалар ашуға қаражат аудару.

Екінші нұсқа — жасөспірімдерге арналған қысқа мерзімді кәсіптік бағдарлау курстарын төлеуге қаражат аудару.

Үшінші нұсқа — сіз еріктіге айналып, оларға сіздердің білімдеріңізді, пайдалы кеңестеріңіз бен дағдыларыңызды жеткізесіз.