31.03.2023

SMALL супермаркеттері желісінің қолдауымен біз «Мейірімділік жібі» клубына 3 тоқыма, 3 тігін машинкалары мен торлағыш бердік. Олар осы ұйымның еріктілеріне инкубаторлар үшін бұдан да көп жабын тігуге және шала туған балаларға олардың өкпелерін дамытуға және белсенді тыныс алуға көмектесу үшін одан да көп кіп-кішкентай жүн телпектерді, кеудешелерді, шұлықтарды, көрпелер мен сегізаяқтар тоқуға көмектеседі!

«Мейірімділік жібі» клубына тоқу мен балаларға деген сүйіспеншілікпен біріккен түрлі жастағы және мамандықтағы адамдар жиналды. Сиқырлы перілер бірегей, кішкентай, ең бастысы сапалы жүн жиынтықтарын дұға оқумен және әр ілгекте сүйіспеншілікпен тоқиды. Жиынтықтар телпектен, шұлық жұбынан, кеудешеден және ғажайып-сегізаяқ терапевтік ойыншықтан тұрады.

Клубтың еріктілері Алматы, Астана, Петропавл, Шымкент, Жезқазған және Курчатов қалаларында бар. Олардың жиынтықтарын 9 қаланың Перинаталдық орталықтары тұрақты негізде алып, жаңа туған сәбилерге тегін береді.

«Мейірімділік жібі» клубының жетекшісі Гүлниса Құлымжанованың айтуынша, өткен жылдың өзінде 150 ерікті жаңа туған нәрестелердің жансақтау және патология бөлімшелеріне 2800 жиынтық, 1425 сегізаяқ, 71 ұя мен 16 кювез қаптарын тоқып, тапсырды. AYALA қорының қолдауымен клуб өз қызметін бастаған 2017 жылдан бері 8320 шала туған баланы «киіндіріп», оларға 6257 сегізаяқ сыйлады.

Еріктілер командаларда жұмыс істейді: біреулері 100% жүннен жасалған бұйымдарды тоқыма бізімен тоқиды, екіншілері — 100% мақтадан сегізаяқтарды тоқу инесімен тоқиды. Шала туған нәрестелерге арналған бұйымдарға сұраныс екі есе өсті, сондықтан клубқа тігін және тоқыма техникасын сатып алуға көмек қажет болды.

Біз «Скиф Трейд» ЖШС директоры Максим Русланович Абдуразаковқа ең кішкентай қазақстандықтарға Қамқорлық күшімізді қолдағаны үшін шын жүректен алғысымызды білдіреміз! Сізге және SMALL-дың бүкіл ұжымына зор денсаулық, өркендеу және барлық бастамаларыңыз бен жобаларыңызға табыс тілейміз!