29.06.2020

Бүгін біз сіздерге 2019 жылдың желтоқсанында және 2020 жылдың қаңтарында # SaksFifthAvenue белгіленген бокста жиналған қаражатқа кәсіптік бағдарлау курстарынан өткен тағы бір жасөспірім туралы баяндаймыз.

Фархат Абдыкеров Алматы қаласындағы № 10 мектеп-интернатта 9 сыныпта оқиды. Атын атағысы келмеген демеуші компанияның осы жобаға берген қаражатына ол сайттарды әзірлеуші курстарынан өтті. Олардың құны — 130 000 теңге.

«Мен ProfCadr оқыту орталығында сайттарды әзірлеушіге оқыдым. Сонымен қатар, сайттар жасауды үйреніп, өзім үшін көптеген жаңалықтарды біліп алдым. Михаилға үлкен рахмет, ол бәрін өте жеңіл түсіндіріп, маған бәрін үйретті. Маған өте ұнады! Менің оқуымды мүмкін еткен баршаңызға рахмет», — деп, Фархат курстан алған өз әсерімен бізбен бөлісті.

Сабақтар бастапқы негіздерінен басталды. Михаил Дмитриенко — сайттарды әзірлеу курстарының оқытушысы. Бірнеше апталық сабақта ол Фархатқа әзірлеменің барлық қыр-сырын түсіндірді. Бірақ ең бастысы кез келген, тіпті ең күрделі сайт мақсаттан басталатынын көрсетті. Шынымен де, өмірдегі кез келген маңызды жобалар мен үлкен жетістіктер алғашқы қадамнан басталады!

Біз Фархаттың өзінің болашақта қаржылық дербес болуына көмектесетін пайдалы дағдылар алғанына қуаныштымыз!