05.09.2023

2023 жылғы Astana Marathon-ға Қазақстаннан, Оңтүстік Кореядан, Австралиядан, Ұлыбританиядан, Германиядан, Польшадан, Португалиядан, Ресейден, Испаниядан, АҚШ-тан, Нидерландтан және Өзбекстаннан 2000-ға жуық жеңіл атлеттер қатысты. Жарысқа қатысушылардың жасы 16 жастан 76 жасқа дейін. Олар 42,2 және 10 шақырым қашықтыққа жүгірді.

Біз Astana Marathon жетекшісі және ұйымдастырушысы Гаухар Брамлей-Фентонға қорға қолдау көрсеткені үшін шын жүректен алғысымызды білдіреміз — барлық қатысушылардың футболкаларында және марафон жеңімпаздары мен жүлдегерлерінің грамоталарында біздің қордың логотипі орналастырылды!

PTC Holding басшылығы Astana Marathon 2023 қайырымдылық қатысуымен «Шала туған нәрестелердің ретинопатиясы» жобасын қолдауға шешім қабылдады. Басқарма төрағасы Тимур Жомартұлы Қарабаевқа Қамқорлық күшімізді қолдағаны үшін алғысымызды білдіреміз! Осы холдингтің 22-48 жас аралығындағы 59 марафоншысы Ақмола облысында шала туған сәбилердің көзін құтқаруға көмектесу үшін 10 шақырым корпоративтік қашықтықты жүгірді! PTC Holding корпоративтік қатысуынан түскен қаражат Көкшетау қаласының Облыстық перинаталдық орталығына ретиналды камера сатып алуға жұмсалады.

Біз 2023 жылғы Astana Marathon-ға қатысу үшін Пусаннан профессор Ли Джонг Соп – 2017 жылдан бастап біздің қордың амбассадоры ұшып келгеніне өте қуаныштымыз және разымыз!

2018 жылдан бері Astana Marathon AIMS халықаралық марафондар мен жүгірулер қауымдастығына кіреді. Биылғы жылы марафон трассасын да AIMS сертификаттады. Бұл ең үздік марафоншыларға әлемнің ең танымал және ірі марафондарына, мысалы Лондон және Бостон марафондарына қатысуға мүмкіндік береді. Сондай-ақ, Astana Marathon сертификатталған маршруты атлеттерге Abbott World Marathon Majors Wanda Age Group жас топтары бойынша жаһандық рейтингте өз нәтижелерін тіркеуге мүмкіндік береді.