17.05.2024

AYALA қорының негізін қалаушы және президенті Айдан Сүлейменова Алматыда өткен «Ана мен бала» медициналық конференциясында баяндама жасады. Бұл Қазақстанның жетекші акушер-гинекологтары үшін ең ірі кәсіби оқиға.

Айдан Төлеутайқызы біздің қор ҚР Денсаулық сақтау министрлігіне Қазақстанда феталдық медицинаны дамытуға қалай көмектесетінін айтып берді:

• Екатеринбург қаласындағы «Урал АБҚ ҒЗИ» ФМБМ Перинатология және балалар кардиохирургиясы орталығының бір топ дәрігерлерімен кездестік.
• РФ жетекші феталдық хирургі Н.В. Косовцовамен таныстық.
• Жұмыс алгоритмдерін, реанимация жабдықтарын біліп, жобаны іске асыру жоспарын жасадық.
• Испаниядағы феталдық хирургия бойынша Дүниежүзілік конгресте болдық.
• «Ана мен бала» XXIV форумына қатысып, Мәскеудің жетекші феталдық хирургтерімен танысып, олардың жетістіктерін білдік.
• Астанада өткен Перинаталдық медицина мамандарының І халықаралық конгресін қолдадық. 2 лектор: Н.В. Косовцова мен УДЗ дәрігері, медицина ғылымдарының кандидаты А.Ю. Блиновтың сөз сөйлеуін ұйымдастырдық.
• Дәрігерлер тобымен бірге Минскіде «Демографиялық қауіпсіздік мәселелерін шешудегі заманауи перинаталдық медициналық технологиялар» атты ғылыми-практикалық конференцияға қатыстық. Феталдық хирург М.В.Белугамен және феталдық медицинаның беларусьтік тәжірибесімен таныстық.
• GASENERGY компаниясының көмегіне лазер мен фетоскоптар жиынтығын сатып алып, Алматы қаласының Перинатология және балалар кардиохирургиясы орталығының базасында феталдық ота жасау үшін тапсырдық.
• Алматы қаласы ҚДБ-ның қолдауымен Марк Аркадьевич Курцердің «Ұрық медицинасы» тақырыбында дәрісін ұйымдастырдық. Дәріске 200-ден астам маман мен резидент қатысты, онлайн-трансляцияға Қазақстанның түкпір-түкпірінен 500-ден астам тыңдаушы қосылды.
• Алматы қаласының Перинатология және балалар кардиохирургиясы орталығы мен Астана қаласының АБҰҒО дәрігерлерін Екатеринбург қаласына «Феталдық медицина» курсы бойынша оқуға жібердік.
• Алматы қаласының Перинатология және балалар кардиохирургиясы орталығының дәрігерлерін Мәскеуге жібердік. Онда олар «Ана мен бала» жекеменшік орталығында «Монохориалды қосарланған кездегі фето-феталды трансфузиялық синдром кезіндегі плаценталық анастомоздардың лазерлік коагуляциясы» феталдық отасына қатысты.
• Биыл Алматы қаласының Перинатология және балалар кардиохирургиясы орталығының 4 дәрігерінен тұратын бригаданы Делиде (Үндістан) «Феталдық медицина» курсы бойынша оқыту жоспарланып отыр.