07.10.2024

Біріккен Араб Әмірліктеріндегі Феталдық медицина қорының халықаралық конгресі Абу Дабиде өтті. Оған бүкіл әлемге «Феталдық медицинаның әкесі» атымен танымал профессор Кипрос Николаидес, Абу-Дабидің мемлекеттік министрі және Денсаулық сақтау департаментінің аға басшылары, сондай-ақ әлемнің 14 елінен 500 делегат қатысты.

AYALA қоры осы конгреске Астана қаласындағы «Ана мен бала ұлттық ғылыми орталығы» UMC КҚ неонаталдық хирургі Руслан Армиевич Билалдың қатысуын ұйымдастырды. Конгресте қор Колумбия, Әмірліктер, Ұлыбритания елдерінің неонаталдық хирургтарымен және профессор Кипрос Николаидеспен танысты.

Профессор Николаидес фетальды медицинада ұрықтың анемиясы кезінде жатырішілік қан құюды енгізуден бастап, трансфузия синдромы кезінде егізден егізге эндоскопиялық лазерлік хирургияға дейін өзінің ауқымды ғылыми зерттеулері мен медициналық тәжірибесіндегі жетістіктерінің арқасында революция жасағанымен белгілі.

Конгресс феталдық хирургиядағы жаңашыл жетістіктерді тарату үшін өткізіледі. 22 дәрігер ұрықтың даму кемістіктерінің ерте скринингіне, преэклампсия скринингіне, ұрықтың өсу проблемаларына, жасанды плацента мен феталдық хирургияға арналған баяндамалармен, алдыңғы қатарлы зерттеулер мен күрделі феталдық емшаралар туралы деректермен сөз сөйледі.

Профессор Кипрос Николаидес және басқа да сарапшылар феталдық медицина тәжірибесін жақсартуға және өңірдегі аналар мен туылмаған балалар үшін нәтижелерді жақсартуға бағытталған жаңа технологиялар мен әдістемелерді талқылады.

«Мен үшін әлемдегі әйелдердің жүктілік пен босанудың асқынуынан әр минут сайын қайтыс болатынын сезіну біздің көбірек адамды феталдық хирургияға үйрету бойынша күш-жігерімізді жалғастыру үшін қозғаушы күш болып қала береді. Менің ойымша, біз осы мақсатқа жету үшін – дәрігерлерге өмірлік маңызы бар дайындықты ұсыну және осы өңірлерде жүргендер үшін денсаулық сақтауды жақсарту үшін БАӘ-нен, әсіресе Африка мен көршілес өңірлерде, анағұрлым кең халықты қамти аламыз», — деді профессор Николаидес.

AYALA қоры ҚР Денсаулық сақтау министрлігіне Қазақстандағы феталдық хирургияны дамытуға көмектеседі. Қордың қолдауымен биыл жазда алғаш рет ұрықтың дамуын түзету бойынша құрсақ ішіндегі оталар жасала бастады. Қор сондай-ақ Алматыдағы ПжБКХО-да және Астанадағы АБҰҒО базасында феталдық хирургия бөлімшелерін жабдықтауға көмектеседі.

Конгресс денсаулық сақтау саласындағы мамандар арасында білім, ынтымақтастық және озық идеялар алмасу үшін құнды платформа жасады.