БҰЛ ЖОБА ҚАЗАҚСТАНДАҒЫ МЫҢДАҒАН НӘРЕСТЕЛЕРДІҢ ӨМІРІ МЕН ИНТЕЛЛЕКТІН САҚТАЙДЫ.

Елімізде қайтыс болған нәрестелердің 60% -дан астамы — жаңа туған нәрестелер.

Олардың өлімінің басты себептерінің бірі орталық жүйке жүйесінің зақымдануы, 70 пайызы гипоксияға шалдыққандықтан болады.

Гипоксия орын алғанда бас миы жасушаларының өлімін тудыратын патологиялық физиологиялық процестер іске қосылады.

Гипотермия аппараты өте нәзік және өмірлік маңызды қызмет атқарады. Ол нәрестенің барлық денесін немесе оның бөлігін температура деңгейінің өте дәл мөлшерімен ұқыпты салқындатады.

Нүктелік температуралық әсерлер қан ағынын түзетуге және сол арқылы нәрестелердің бас миы жасушаларының немесе зақымданған бөліктерінің қалпына келуін бақылауға мүмкіндік береді.

Жаңа туған нәрестенің өмірінің алғашқы сағаттарында, тіпті минуттарында терапиялық гипотермияны қолдану өте маңызды. Сонда ми жасушаларының жұмысын қалпына келтіруге мүмкіндік бар.

Егер мұндай аппарат ауруханада болмаса, бала орталық жүйке жүйесінің ауыр функционалдық зақымдануымен қалып, кей жағдайда қайтыс болуы мүмкін.

Терапиялық гипотермия жаңа туған нәрестелердің бас миын қорғаудың негізгі физикалық (дәрілік емес) әдісі болып табылады.

Гипотермия аппараттарына деген қажеттілік өте жоғары — олар қазақстандық ауруханалардың барлық перинаталдық бөлімдері және перзентханаларында тұруы тиіс.